HARI KAJADIANG

Basudara Tuang Hati Jantong!

Pagi ini ujang taru bagus lai ale. Mar Acim nih ada hati balisah tagal ciong bobou orang bakar kukis. Acim pung dalang hati, tar salah lai, ini bluder sageru nih jua. Acim kaluar dari dapor, langsung skrek, asap kaluar dari Sibu pung dinding gaba-gaba di dapor. Ini akang bobou nih pasti dari sana sudah. Tar salah lai.

Acim : Ola ee……tadi malang laki pukul sampe pagi kapa???

[Parsis dengar bagitu, Sander, Ola pung ade laki-laki yang tinggal di sablah Sibu rumah langsung lari kaluar rembeng gaba-gaba. Acim lia Sander lari langsung Acim angka kaki kaeng la lari lai iko Sander di Sibu pung pintu dapor]

Sander : Usi ee….usi eee….buka pintu nih la.

[Pas Ola buka pintu]

Sander : Sibu pukul se?????

[Ola tabingung-bingung, mar Ola balong bilang sa kata lai, Acim su torana Sander pung pohong tangang]

Acim : Ose nih Alexander toh…..ana su tar tau mau bilang apa lai par ose.
Sander : Tadi abang bataria dia laki pukul dia sampe pagi toh????
Acim : Tagal itu otak tuh jang pono deng pikirang politik. Pi sunsang se kapala di aer masing sana biar akang kosong sadiki la udara Har’ Kajadiang nih kas ponoh akang ulang. Ana maksud itu Sibu pukul talor deng tapong par Ola bakar bluder sageru…
Sander : Tuandalar……beta su kira apa lai???
Acim : Tagal itu pikirang tuh kas jao akang dari baku pukul, baku marah deng akang konflik bodoh tuh

[Dong tiga tatawa tagal Sander pung parsir par pagi hari. Sibu kaluar par dong tiga]

Sibu : Abang, kas tinggal ana Sander tuh la mari katong dua ka baranda muka. Beta su saleng kopi sa beker deng bluder sageru sa sele basar.
Acim : Itu macang….

[Acim deng Sibu langsung ka baranda. Tar mau ilang muka, Sander iko lai. Sampe di baranda dong tiga su tar potong kukis tuh lai mar manggurebe rabe akang. Dasar barakal, Sander rabe spanggal basar alam paskali]

Acim : Nyong, eso Kajadiang nih e….Ana sanang paskali bisa hidop sama-sama deng ale dong samua.
Sibu : Abang nih macang dar’ dolo katong ada tapisah sa. Dar’ dolo katong birman toh.
Sander : Kajadiang nih abang akang seng pandang Salam ka Sarane. La katong samua sama sa tuh. Nanti Taong Baru Salam, akang par katong yang Sarane lai toh???
Acim : Ana baru pernah dengar ose pung pikirang bagus har’ ini di Sander. Ana tau, itu pasti tagal se su mulai rajing inja pintu gareja.
Sibu : Abang macang tau beta pung konyadu nih sa e....dalang sataong, sabulang sa dia rajing inja pintu gareja, itu kalu Desember
Acim : Iyo mar seng apapa jua……biar ana deng dia macang deng tikus deng kucing, mar katong dua cuma pawela saja tuh
Sander : Katong su pandang abang sama deng katong orang tatua saja toh
Sibu : itu sudah
Acim : Iyo e, mar macang orang bilang ‘sagu saporna tuh ada 1 yang angos’, ha….yang angos tuh Sander nih jua……[dong tatawa la Acim tandang Sander pung pohon kaki]. Ana sanang ale nyong…..katong sumbayang kuat-kuat supaya Kajadiang nih katong samua laeng tambah sayang laeng jua

Sibu : Itu sudah abang e…..

[Bluder tinggal spanggal, dong tiga baku nganga la Sander loko akang kasi par Acim]

Sander : Beta su tau, abang suka bluder sageru yang beta kaka parampuang bakar. Akang macang beta suka Mama Oda pung opor ayang deng katupa pas Taong Baru Salam
[Dong tiga tatawa sama-sama]

Salamat Hari Kajadiang lai Basudara samua!
[Eltom Sibu]

Comments

Post a Comment

Popular posts from this blog

MAKNA UNSUR-UNSUR DALAM LITURGI

Image
Oleh. Elifas Tomix Maspaitella Paduan Terompet Jemaat Rumahtiga di Rohua, Januari 2009 A. Perspektif Ibadah merupakan suatu aktifitas agama yang dikemas sedemikian rupa sehingga tampak kesakralannya. Kesakralan itu dikemas melalui suatu tata liturgi, sehingga umat yang beribadah masuk dalam situasi yang khusuk, beralih dari dunianya, dari aktifitas kesehariannya, dan merasakan ‘kehadiran Tuhan’ ( God Presence ) di dalam ibadah itu. Pengertian lain memahamkan ibadah sebagai aktifitas pelayanan dalam ruang sosial, melalui serangkaian perbuatan baik, atau pekerjaan baik yang mendatangkan keadilan, kebenaran, kesejahteraan kepada orang lain/sesama. Ketika digunakan dalam lingkungan ritus agama, ibadah lalu dibawa masuk ke dalam hubungan antara Tuhan dengan umat. Bentuk relasi sosial tadi diubah menjadi suatu relasi ritual yang terkadang mistis. Karena itu aspek pelayanan dimengerti sebagai pelayanan ritual. Aspek ekspresi umat sebetulnya yang menjadi hal penting dalam liturgi. Ekspresi yan
Read more

Makna Teologis dan Liturgis Kolekta/Persembahan

Oleh. Elifas Tomix Maspaitella [Materi Ibadah Keluarga Perangkat Pelayan Jemaat Rumahtiga, 17 September 2013] Pengantar Tulisan ini bertujuan untuk mengkaji beberapa bahan Alkitab tentang persembahan/kolekta, guna memberi pemahaman yang relevan sehingga terdapat pula praktek memberi persembahan yang benar dari Jemaat. Sebab itu saya akan mengkajinya dengan melihat pada [1] pengertian dasar persembahan; [2] bentuk-bentuk persembahan; [3] motivasi memberi/membawa persembahan. Tiga aspek ini akan dikaji dari dasar-dasar Alkitab [PL dan PB], sambil merefleksikan cara memberi yang selama ini diterapkan dalam praktek ibadah dan bergereja kita. 1. Pengertian Dasar Persembahan Persembahan adalah sesuatu [ in natura ] yang diberikan kepada seseorang sebagai bentuk ketaatan pada hukum atau pemberian secara sukarela sebagai hadiah atau guna membantu meringankan beban orang lain [pemberian sukarela/sukacita]. Ketika istilah ini dijadikan bagian dari ritus agama, termasuk Kristen a
Read more

Hukum dan Keadilan dari Tangan Raja/Negara

Materi Khotbah Bahan Khotbah : Mazmur 72:1-11 Saudara-saudaraku, Tulisan dalam Mazmur 72:1-11(20), merupakan suatu hymne kepada keadilan dari yang keluar dari tangan raja/penguasa. Ini adalah nyanyian pengagungan kepada raja yang berlaku adil, serta disertai dengan beberapa anjuran hikmat tentang tatanan keadilan ( social justice/order ) yang ideal. Jika kita menempatkan tulisan ini pada masanya, maka mazmur ini dimaksudkan untuk mengajak para pemimpin Israel untuk menegakan keadilan, dengan meminjam tradisi Salomo, atau pengalaman di masa Salomo. Ada pola yang baik di masa lampau yang diharapkan menjadi pedoman atau contoh mengenai bagaimana seorang pemimpin harus membangun tatanan keadilan tadi. Memang teologi keadilan sosial ( social justice ) mendapat ruang yang khusus dalam sastra hikmat, terutama karya-karya dalam masa hancurnya monarkhi, pembuangan dan pascapembuangan Babel. Demikian pun sebenarnya dalam karya sastra deuteronomi (KSD). Pentingnya keadilan sosial dalam tulisan hi
Read more